Një grua 47-vjeçare shqiptare humbi jetën pasi u godit me thikë ditën e sotme në Milano.
Disa kalimtarë njoftuan policinë rreth orës 13:00, duke raportuar se një burrë i veshur me të zeza ishte duke ndjekur një prostitutë.
Kur karabinierët arritën në vend shqiptarja nuk ndodhej më në vendin e raportuar ndërsa u gjend pas pak minutash, e shtrirë në tokë dhe e mbuluar nga gjaku pas tre goditjeve me thikë në shpinë dhe dy në këmbë.
Viktima, e identifikuar si Luljeta Heshta, u transportua me urgjencë në spitalin Humanitas ku pavarësisht një ndërhyrjeje kirurgjikale nuk mundi të mbijetonte.
Autoritetet italiane janë vënë në kërkim të agresorit ndërsa Prokuroria Publike e Lodit ka hapur një dosje për nën akuzën e “vrasjes me dashje”.
Sipas prokurorit Domenico Chiaro, “për momentin nuk ka asnjë hipotezë, ndërsa hetimet vazhdojnë”.
Sipas mediave italiane, Heshta ka qenë qytetare me dokumentacion të rregullt në Itali.
