Një aksident i rëndë ndodhi ditën e sotme në Tiranë, në rrugën e Kavajës. Një vajzë e cila ishte duke kaluar rrugën u përplas nga një makinë tip “Mercedes Benz”. Ndërkohë, tashmë janë publikuar disa pamje nga momenti kur vajza përplaset nga Benzi. Në videon që ilustrohet në vijim, shihet automjeti që ecën me shpejtësi dhe pavarësisht se vajza tenton t’i shmanget, ajo goditet rëndë nga Benzi. Raportohet se e reja ndodhet në spital aty ku dhe po merr ndihmën mjekësore, ndërkohë që vijon të jetë në rrezik për jetën.
