Lulzim Basha është zgjedhur kryetar i Partisë Demokratike me vota të manipuluara, sipas rrëfimit të bërë nga njëri prej protagonistëve të proceseve zgjedhore të 2017-s dhe qershorit 2021.
Deputeti i PD-së dhe ish-kryetari i Këshillit Kombëtar, Edi Paloka ka lëshuar një akuzë bombë për veten e tij dhe strukturat e PD-së në kohën që kryetar ishte Lulzim Basha, duke e bërë veten përgjegjës për situatën e rëndë që ndodhet partia sot.
I ftuar në emisionin “Kjo Javë” në Neës24 Paloka ka sqaruar pozicionin e tij në lidhje me angazhimin në Komisionin e Rithemelimit, pasi ka rrëfyer se në zgjedhjet për kryetar të PD-së, ai dhe të gjithë drejtuesit, u kanë kërkuar strukturave të manipulojnë votat për Bashën.
Paloka: Më vjen zorë të shkoj dhe të përballem me demokratët pasi do më thonë, ti po na thua tani për Bashën, kur më parë na the të manipulonim votat për të?
Nisida: A e keni bërë ju këtë zoti Paloka?
Paloka: E kanë bërë të gjitha strukturat e PD-së Nisida dhe prandaj nuk mund të angazhohem më shumë me Komisionin e Rithemelimit. Jam përgjegjës i kësaj situate të rëndë që ndodhet PD-ja.
