Një shtetas është vënë në prangat e policisë së Tiranës pasi shiste naftë kontrabandë në banesën e tij në Kashar.
Sipas burimeve policore në pranga përfundoi shtetasi Xh. Ll. pasi ushtronte aktivitetin e paligjshëm të tregtimit të hidrokarbureve.
Gjatë kontrollit në banesën e tij u konstatua një ambient i përshtatur për vendosjen e një pompe karburanti dhe dy depozitave metalike, të cilat ishin të mbushura me 2500 litra naftë, që dyshohet se është kontrabandë, duke shmangur detyrimet doganore.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Njoftimi:
Finalizohet me sukses operacioni policor i koduar “Diesel”.
Operacioni nga Seksioni për Hetimin e Krimit Ekonomik dhe Financiar në DVP Tiranë.
Sekuestrohen 2500 litra naftë, një pompë karburanti dhe dy depozita.
Vihet në pranga 1 shtetas.
Në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, se një shtetas ushtronte aktivitet të paligjshëm në fushën e tregtimit të hidrokarbureve, në banesën e tij në Kashar, specialistët e Seksionit për Hetimin e Krimit Ekonomik dhe Financiar në DVP Tiranë organizuan dhe finalizuan operacionin policor të koduar “Diesel”, në kuadër të të cilit u në arrestimi në flagrancë i shtetasit:
– Xh. Ll., banues në Kashar.
Nga veprimet hetimore të kryera ka rezultuar se shtetasi Xh. Ll. ushtronte aktivitetin e paligjshëm të tregtimit të hidrokarbureve. Gjatë kontrollit në banesën e tij u konstatua një ambient i përshtatur për vendosjen e një pompe karburanti dhe dy depozitave metalike, të cilat ishin të mbushura me 2500 litra naftë, që dyshohet se është kontrabandë, duke shmangur detyrimet doganore.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
