Fëmijët i janë besuar nënës, ndërsa muajt e fundit Begaj është përpjekur të gjejë një kompromis me ish-partneren e tij. E enjtja është dita e madhe. Ata shkojnë në studion ligjore dhe bien dakord për gjithçka. Fundjavë alternative, gradualisht vizita gjithnjë e më të shpeshta nga babai.
“Ku janë fëmijët e mi, si janë?,”- me lotët që i rrjedhin në fytyrë, e reja shqiptare e goditur me thikë disa ditë më parë kërkon të shohë të vegjlit e saj. Gruaja është shtruar tani në spitalin Sant’Andrea në La Spezia, me plagë që do të shënojnë lëkurën e saj përgjithmonë. Ajo është ende në gjendje serioze, por nga shtrati ka pyetjet e para për avokatin e saj Massimiliano Leccese lidhur me fëmijët, ndërsa nuk pushon së qari.
Ndërkohë, disa qindra metra më tutje, ish-partneri i saj Sokol Begaj, 37 vjeç, ndodhet në qeli, ku pret dënimin për vrasje të mbetur në tentativë.
“Ai është penduar. Është në një gjendje të vështirë psikologjike sepse nuk mund ta kuptojë se çfarë ndodhi,”-tha avokati i tij Cristian Falconi, ndërsa shton se as vetë nuk e kupton se përse situata arriti në këtë pikë.
“Ata kishin ardhur së bashku në studion e avokatisë, pasi dukej se kishin gjetur mirëkuptim. Kemi parë kaq shumë çifte që grinden për kujdestarinë e fëmijëve. Ata nuk e bëjnë. Dhe pastaj ata u larguan së bashku. Gjithçka dukej e qetë,”-thanë të dy avokatët. Por jo!
Çfarë ndodhi në ato pak orë nga e enjtja pasdite deri të premten në orën 14:00? Pse Sokoli goditi 7 herë me thikë ish-gruan e tij duke i kërcënuar jetën. Për ta kuptuar atë, duhen bërë disa hapa prapa. Çifti u nda në muajin shkurt, ish-partnerja denoncoi Begajn për dhunë në familje, punonjësit socialë ndërhynë duke u përpjekur të shmangin probleme të tjera traumatike për të vegjlit.
Fëmijët i janë besuar nënës, ndërsa muajt e fundit Begaj është përpjekur të gjejë një kompromis me ish-partneren e tij. E enjtja është dita e madhe. Ata shkojnë në studion ligjore dhe bien dakord për gjithçka. Fundjavë alternative, gradualisht vizita gjithnjë e më të shpeshta nga babai.
“Gjithçka ishte gati për ta çuar marrëveshjen në gjykatë dhe për ta ratifikuar nga gjyqtarët,”- thonë avokatët Leccese dhe Falconi. Pra, çfarë ndodhi mes tyre? Nuk ka asnjë konfirmim por burime të kualifikuara të hetuesve thonë se Sokol Begaj është shtruar në spital mbrëmjen e së enjtes. Për çfarë? Flitet për diçka prishje psikologjike, por nuk është e qartë.
E sigurt është se pas daljes nga spitali, shqiptar shkoi për të vizituar prindërit e tij që jetojnë në Viale Italia, në një pallat pikërisht përballë stacionit ku ndodhi plagosja. Në apartament, djali i vogël është me gjyshërit, ndërsa i madhi në një kamp veror. Në teori, Sokoli nuk duhet ta kishte parë ende të birin pasi nuk ishte dita e tij.
Në këtë moment vjen viktima, e cila ka një përplasje të ashpër verbale me ish-partnerin, fillimisht në telefon dhe më pas në tarracë. Pjesa tjetër është histori. Sokoli vrapon ashtu siç është, me pantofla dhe pa këmishë, poshtë shkallëve. Ai ka një thikë kuzhine në dorë, nga ato të dhëmbëzuara për prerjen e bukës. Gruaja përpiqet të shpëtojë duke bërtitur e tmerruar por askush nuk e ndihmon. Papritmas vjen një autobus, i cili ishte drejtuar për plazh.
Ajo ngjitet, por po ashtu merr edhe goditjen e parë, më pas Bregu hipën në autobus dhe lëshon një sërë goditjesh mes njerëzve të tmerruar, të cilët nuk kuptojnë se çfarë po ndodh. Ai e lë gruan në tokë të gjakosur dhe kthehet në shtëpinë e prindërve të saj, sikur asgjë të mos kishte ndodhur. Ndërsa gruaja shpëtohet pasi pasagjerët i ndalojnë gjakderdhjen duke i shtypur plagët me peshqir. Pas një operacioni delikat kirurgjik në spital: ajo është e sigurt.
Të hënën në mëngjes në orën 9.30 do të zhvillohet seanca e vlefshmërisë në burg për 37-vjeçarin, ndërkohë, gjykata për të mitur ua ka besuar përkohësisht kujdestarinë e fëmijëve gjyshërve nga babai. Por nëna ka të tjera plane: Kur të jem më mirë, nuk do t’i lë më kurrë.
