Elperiodico shkruan se arrestimet janë bërë nga Divizioni i Hetimit Kriminal (DIC) i policisë katalanase më 5 korrik dhe se të arrestuarit, të moshës 20 deri në 51 vjeç, akuzohen për krime kundër shëndetit publik, që i përkasin një grup kriminal dhe mashtrim me energjinë elektrike.
14 persona janë arrestuar nga Mossos d’Esquadra në një operacion në të cilin ata kanë çmontuar një grup kriminal të specializuar në kultivimin dhe trafikimin e marijuanës në zonën e Camp de Tarragona, ku u kryen nëntë kontrolle në ndërtesa industriale dhe shtëpi. Elperiodico shkruan se arrestimet janë bërë nga Divizioni i Hetimit Kriminal (DIC) i policisë katalanase më 5 korrik dhe se të arrestuarit, të moshës 20 deri në 51 vjeç, akuzohen për krime kundër shëndetit publik, që i përkasin një grup kriminal dhe mashtrim me energjinë elektrike.
Hetimi për këtë rast, tregojnë ata, ka nisur në fund të vitit të kaluar nga informacionet e marra në komisariatin e Salou për një grup personash që kultivonin dhe shpërndanin sasi të mëdha marihuane. Në hetimin e çështjes së quajtur “Koman” , u konstatua se drejtuesit e grupit përdornin bashkatdhetarët shqiptarë, për t’u kujdesur dhe monitoruar intensivisht plantacione në ndërtesa industriale apo shtëpi njëfamiljare që ndodheshin në zona me pak lëvizshmëri të fqinjëve.
Policia gjeti gjashtë ndërtesa në të cilat grupi kishte plantacione marijuanë, nga të cilat arrinin të mblidhnin katër ose pesë kultura në vit , për të cilat bënin lidhje mashtruese me sistemin elektrik për të shmangur pagesën e faturave të larta të energjisë elektrike.
Plantacionet që u regjistruan ndodheshin në komunat Tarragona, Querol, Vic, l’Ametlla de Mar, Vandellòs i l’Hospitalet de l’Infant dhe Mont-roig del Camp. Në total janë gjetur mbi 2600 bimë marihuanë në faza të ndryshme të rritjes dhe 54 kilogramë sytha të përgatitur për shpërndarje , si dhe 21 mijë euro cash dhe një numër i madh aparatesh që përdoren për kultivimin intensiv të drogës.
Të arrestuarit iu drejtuan gjykatës të enjten e kaluar, ditën kur gjyqtari vendosi burgosjen e pesë prej tyre dhe lirimin me akuzë për pjesën tjetër, si dhe heqjen e pasaportës dhe ndalimin e daljes jashtë vendit.
