48-vjeçari i identifikuar me iniciale Sh. S, 48 vjeç, banues në Mazrek, Tiranë, hodhi në rrjetet sociale një video me flamurin turk. Një 48-vjeçar është arrestuar nga Policia e Shtetit, pasi hoqi me forcë flamurin turk nga një vendrojë detare në gjirin e Lalzit. 48-vjeçari i identifikuar me iniciale Sh. S, 48 vjeç, banues në Mazrek, Tiranë, hodhi në rrjetet sociale një video me flamurin turk. Policia e kishte shpallur në kërkim pasi ishte fshehur pas ngjarjes. Ndërsa në mbi të rëndojnë veprat penale: “Nxitja e urrejtjes ose grindjeve” dhe “Prishja e rendit dhe qetësisë publike”.
NJOFTIMI I PLOTË:
Specialistët e Komisariatit të Policisë Durrës, pas disa orësh kërkime, bënë të mundur lokalizimin dhe kapjen e shtetasit Sh. S, 48 vjeç, banues në Mazrek, Tiranë. Kapja dhe arrestimi i tij u bë për arsye se ky shtetas, gjatë kohës që ka qenë në plazhin e quajtur “Gjiri i Lalzit”, ka hequr me forcë nga një vendrojë detare, një flamur të shtetit turk, të cilin më pas e ka hedhur në mënyrë demonstrative në det. Ky veprim është filmuar me celular dhe më pas është postuar në rrjetet sociale, nga ky shtetas. Shërbimet e Policisë e shpallën fillimisht në kërkim shtetasin Sh. S., pasi ishte fshehur pas ngjarjes. Pas kërkimeve nga Policia u bë i mundur lokalizimi, kapja dhe arrestimi i shtetasit Sh. S., për veprat penale “Nxitja e urrejtjes ose grindjeve” dhe “Prishja e rendit dhe qetësisë publike”. Materialet i kaluan Prokurorisë Durrës, për veprime të mëtejshme.
