Policia e Tiranës ka arrestuar një 32-vjeçar, pasi dyshohet se sishte telefona të kontrabanduar.
Në kuadër të operacionit “Phones 5”, u arrestua B. K., 32 vjeç, banues në Tiranë.
Gjatë kontrollit të ushtruar në dyqanin në pronësi të 32-vjeçarit, në rrugën “Don Bosko”, shërbimet e Policisë gjetën dhe sekuestruan, në cilësinë e provës materiale, 36 aparate celulare të llojeve të ndryshme, të dyshuara të kontrabanduara.
Materialet i kaluan Prokurorisë, për veprime të mëtejshme procedurale.
