ITALI- Tragjedi në Itali! Një 21-vjeçar shqiptar ka qëlluar me dy plumba të dashurën e tij, 18 vjeçe nga Maroku. Ngjarja e rëndë mësohet të ketë ndodhur pas një sherri mes çiftit në rrugën Martin Luther King në Cassano delle Murge, në zonën e Barit, Itali.
Shqiptari është përleshur me partneren e tij brenda banesës ku jetonin dhe e ka qëlluar dy herë me armë zjarri në gjoks. Më pas, duke menduar se të dashurën e kishte vrarë, shqiptari ka qëlluar veten me të njëjtën pistoletë.
Kur ambulanca mbërriti në vendin e ngjarjes, i gjeti të dy të shtrirë në tokë. Por, marokenia ishte ende gjallë, ndërsa shqiptari kishte ndërruar jetë. 18-vjeçarja është dërguar në spital dhe po merr ndihmën e nevojshme mjekësore.
