Një 20-vjeçar shqiptar është arrestuar pak ditë më Parë në Belgjikë, pasi është kapur duke u kujdesur për një fermë kanabisi.
Mediat vendase raportojnë se ngjarja ka ndodhur ditën e hënë në rrugën Joseph Wettinck Në Seraing të Belgjikës. Policia belge kishte marrë një denoncim nga qytetarët në lidhje me kryerjen e një aktiviteti të paligjshëm në këtë zonë. Pas raportimit, gjatë kontrollit fizik, u gjetën tre dhoma kultivimi, një burrë dhe një i mitur që kujdesej për to.
I riu shqiptar doli para seancës gjyqësore ku deklaroi se kishte shkuar në Belgjikë për t’u kujdesur për bimët narkotike, por nuk i njihte personat e tjerë të përfshirë në këtë ngjarje. Sipas tij, plantacioni ishte mbjellë kur ai mbërriti.
