Breshëri të shtënash me armë zjarri janë dëgjuar mbrëmjen e kësaj të shtune në Vlorë pranë bibliotekës publike.
Ngjarja dyshohet të jetë një atentat, pavarësisht se nuk ka ende një deklaratë zyrtare nga Policia.
Persona të ndryshëm dyshohet se kanë qëlluar kundrejt njëri-tjetri përgjatë gjithë gjatësisë së rrugës dhe raportohet të jenë ende në lëvizje.
41-vjeçari i identifikuar si Leartiad Keka ka humbur jetën.
Paraprakisht dyshohet se 41-vjeçari është qëlluar nga persona të cilët lëviznin me një makinë Audi me targa italiane.
Dyshohet se Keka ka pasur hasmëri të vjetra dhe se ka qenë i akuzuar për kryerjen e veprës penale të vjedhjes me pasojë vdekjen, të kryer në bashkëpunim. Policia gjithashtu po heton dhe për konflikte të fundit që viktikma mund të ketë pasur.
Keka gjendej duke drejtuar motorin, dhe raportohet të ketë shkëmbyer vazhdimisht zjarr me pasagjerët e automjetit derisa ka gjetur vdekjen.
Burime bëjnë me dije se në makinë kanë qenë 3 persona, ende të paidentifikuar.
Sakaq, Policia ka nisur pika kontrolli në pikat kyçe të qytetit.
