SHBA- Gjykata e Lartë e SHBA-ve rrëzoi padinë që kërkon të përjashtojë Donald Trump nga zgjedhjet e vitit 2024, sipas një dispozite kushtetuese që ndalon këdo që “angazhohet në rebelim ose revolucion” të mbajë poste publike, raportojnë mediat e huaja.
Gjyqtarët rrëzuan ankesën e John Anthony Castro, një konsulent tatimor nga Teksasi. Castro e ngriti padinë në gjykatën federale të Floridës dhe kërkoi që Trump të shpallej i papërshtatshëm për të ndjekur poste publike dhe kërkoi të mos paraqitej në fletëvotim në çdo shtet.
