Fotot që dalin nga spitali Arab Al Ahli tregojnë skena kaosi – me viktima të gjakosura dhe të gjymtuara që nxirren me barela në errësirë.
Trupat dhe automjetet e shkatërruara mund të shihen nën rrënoja. Videot ende të pakonfirmuara dukej se tregonin një shpërthim të madh pak më parë.
Qindra njerëz të zhvendosur ishin strehuar në një sallë në mjediset e spitalit, sipas vendasve.
Zyrtarët e mbrojtjes civile thonë se shpërthimi ishte rezultat i një sulmi ajror izraelit dhe se qindra janë të bllokuar në rrënoja. Ushtria izraelite thotë se po shqyrton incidentin.
Hamasi e quan sulmin në spital një krim lufte
Zyra për media e qeverisë së Hamasit në Gaza e ka quajtur “krim lufte” sulmin ndaj spitalit në Rripin e Gazës.
Në një deklaratë, thuhet: “Spitali strehonte qindra të sëmurë dhe të plagosur, dhe njerëz të zhvendosur me forcë nga shtëpitë e tyre” si rezultat i sulmeve të tjera.
Deklarata thotë se “qindra viktima janë ende nën rrënoja”.
Siç është raportuar, një zëdhënës i ushtrisë izraelite nuk do të konfirmonte menjëherë nëse forcat e tij ishin përgjegjëse.
Nëse konfirmohet, sulmi do të ishte deri tani sulmi ajror më vdekjeprurës izraelit në pesë luftëra të zhvilluara që nga viti 2008.
Ministria e shëndetësisë, e cila drejtohet nga Hamasi, tha se të paktën 500 njerëz ishin vrarë. Fotot që supozohet se nga Spitali al-Ahli të shpërndara gjerësisht në video sociale treguan zjarrin që përfshiu ndërtesën, dëme të përhapura dhe trupa të shpërndarë në rrënojat.
Disa spitale në qytetin e Gazës janë bërë strehë për qindra njerëz, duke shpresuar se ata do të kurseheshin nga bombardimet pasi Izraeli urdhëroi të gjithë banorët e qytetit dhe zonave përreth të evakuoheshin në Rripin jugor të Gazës.
