Një aksident ka ndodhur në aksin Gjirokastër- Tepelenë ku janë përplasur dy makina në vendin e quajtur “Kthesa e Viroi” dhe si pasojë janë dëmtuar dy shoferët e makinave.
Të plagosurit janë dërguar menjëherë në spital, ku po marrin ndihmë mjekësore.
Njoftimi i Policisë:
Rreth orës 14:10, në aksin rrugor “Gjirokastër-Tepelenë”, në vendin e quajtur “Kthesa e Viroit”, automjeti me drejtuese shtetasen 37 vjeçe, është përplasur me automjetin me drejtues shtetasin 23 vjeç.
Nga përplasja janë dëmtuar 2 drejtuesit e automjeteve, të cilët janë dërguar në spital, ku po marrin asistencë mjekësore dhe janë jashtë rrezikut për jetën.
Grupi hetimor po punon për sqarimin e rrethanave të aksidentit.
