ITALI- Kryeministrja italiane, Giorgia Meloni përmes një postimi në “Facebook” ka reaguar në lidhje me ratifikimin e marrëveshjes së emigrantëve mes Shqipërisë dhe Italisë. Ditën e sotme Kuvendi ratifikoi marrëveshjen e emigrantëve mes dy vendeve. Meloni në reagimin e saj ka njoftuar se Kuvendi e ka ratifikuar marrëveshjen ku falenderon Ramën dhe institucionet për bashkëpunimin.
Reagimi i plotë:
“Kuvendi i Shqipërisë ratifikoi sot marrëveshjen e bashkëpunimit me Italinë kundër imigracionit të paligjshëm dhe trafikimit të qenieve njerëzore. Falenderojmë kryeministrin Edi Rama, institucionet dhe popullin shqiptar për miqësinë dhe bashkëpunimin”, shkruan Meloni.
