Policia e Tiranës ka ndaluar një 34-vjeçare pasi ishte e dënuar me 1 vit e 4 muaj për ushtrim dhe shfrytëzim prostitucioni.
Shërbimet e Seksionit për Hetimin e Trafiqeve të Paligjshme në DVP Tiranë në bashkëpunim me Komisariatin e Policisë Pogradec, në zbatim të masave të hartuara në kuadër të megaoperacionit policor të koduar “Sundimi i ligjit”, bazuar në informacionet e siguruara për vendndodhjen e një shtetaseje në kërkim, kanë intensifikuar kontrollet për kapjen dhe vënien e saj përpara përgjegjësisë ligjore. Si rezultat u kap dhe ndalua shtetasja A. Xh., banuese në Tiranë, e cila ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 1 vit e 4 muaj burgim për veprat penale “Prostitucioni” dhe “Shfrytëzimi i prostitucionit”, thuhet në njoftimin e policisë.
Sakaq materialet i kaluan Prokurorisë, për veprime të mëtejshme.
