TIRANA- Mbështetësit e Partisë Demokratike dhe Sali Berishës do të mblidhen sot në orën 13:30 në selinë blu për të pritur kreun e kësaj force politike pas lirimit nga masa “arrest shtëpie”.
Bëhet me diej se strukturat e PD-së janë lajmëruar që në orën 13:30 të mblidhen në selinë qendrore për të pritur liderin demokrat. Në mesazhin dërguar strukturave lajmi për lirinë e Berishës cilësohet si i mrekullueshëm.
“Përshëndetje. Një lajm i mrekullueshëm. Doktor Berisha tashmë i lirë. Në orën 13.30 të gjithë te selia qendrore e PDSH për të pritur Liderin tonë historik”, thuhet në mesazhin e dërguar strukturave.
