Një aksident i dyfishtë automobilistik është regjistruar mëngjesin e së dielës në Lezhë.
Dy automjete janë përplasur rreth orës 09:20, tek kryqëzimi i Rrilës.
Si pasojë e përplasjes, një nga automjetet ka marrë flakë dhe është djegur pjesërisht.
Nga përplasja dhe përfshirja në flakë e njërit prej automjeteve ka vetëm dëme materiale.
Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit.
