SUEDI- Një burrë që shkaktoi protesta të dhunshme pasi dogji Kuranin është qëlluar për vdekje në Suedi. Salwan Momika, 38 vjeç, raportohet të jetë vrarë në një apartament në Södertälje, Stokholm, të mërkurën në mbrëmje.
Trazirat shpërthyen pasi Momika i vuri zjarrin një kopje të librit të shenjtë të Islamit jashtë Xhamisë Qendrore të Stokholmit në vitin 2023. Policia e Stokholmit tha në një deklaratë se pesë persona ishin arrestuar pasi një burrë rreth të 40-tave u qëllua për vdekje gjatë natës.
Mediat lokale raportuan se Momika kishte qenë ‘Live’ në mediat sociale gjatë kohës që u qëllua. Momika, një irakian që jeton në Suedi, u akuzua në gusht së bashku me disa të tjerë për agjitacion kundër një grupi etnik në katër raste në verën e vitit 2023. Vendimi që do të jepej të enjten u shty, pasi u konfirmua se njëri nga të pandehurit kishte vdekur.
Momika kreu një sërë protestash anti-islame, duke shkaktuar zemërim në shumë vende me shumicë myslimane. Trazirat u zhvilluan në ambasadën suedeze në Bagdad dy herë, ndërsa ambasadori suedez u dëbua nga qyteti mes një grindjeje diplomatike.
Qeveria suedeze i kishte dhënë Momika lejen për protestën në të cilën ai dogji librin e shenjtë, duke thënë se ishte në përputhje me ligjet e saj të fjalës së lirë. Më vonë ajo u zotua të eksploronte mjete ligjore për shfuqizimin e protestave që përfshijnë djegien e teksteve në rrethana të caktuara.
