Tiranë, 2025 – Drejtori i Përgjithshëm i Burgjeve, Klevis Qose, zhvilloi një takim me ambasadorin e Bullgarisë në Shqipëri, z. Ivaylo Kirov, për të diskutuar mundësitë e bashkëpunimit në fushën e sistemit penitenciar.
Në këtë takim, u trajtuan tema të ndryshme si shkëmbimi i përvojave dhe praktikave më të mira në menaxhimin e institucioneve penitenciare, modernizimi i strukturave, trajnimi i stafit dhe përmirësimi i kushteve për të dënuarit. U theksua rëndësia e një bashkëpunimi të ngushtë ndërinstitucional për të garantuar një sistem penitenciar efikas dhe në përputhje me standardet evropiane.
Ambasadori Kirov shprehu gatishmërinë e palës bullgare për të mbështetur nisma që synojnë përmirësimin e sistemit penitenciar në Shqipëri, përmes ofrimit të ekspertizës dhe mundësive të trajnimit për punonjësit e këtij sektori.
Ky takim shënon një hap të rëndësishëm drejt forcimit të marrëdhënieve mes dy vendeve dhe hap mundësi për projekte konkrete bashkëpunimi në të ardhmen.
