Një aksident i rëndë ka ndodhur pak çaste më parë te mbikalimi i “Plepave” në qytetin e Durrësit.
Sipas informacioneve paraprake, mësohet se tre persona kanë mbetur të plagosur, nga përplasja e fortë “kokë më kokë” e dy makinave.
Të plagosurit janë transportuar drejt spitalit të Durrësit, ndërsa nuk ka detaje për gjendjen e tyre shëndetësore.
Shkak për aksidentin dyshohet të jetë bërë shpejtësia e madhe e makinës që është futur në parakalim të gabuar, duke u përplasur me makinën që po vinte përballë.
Forca të shumta policie dhe tre ambulanca mbërritën në vendngjarje, duke kryer transportimin e të plagosurve drejt spitalit.