Një aksident automobilistik ka ndodhur mesditën e sotme në aksin rrugor Elbasan-Librazhd, në dalje të këtij qyteti.
Një automjet policie është përplasur me një motorr, për pasojë drejtuesi i motorrit ka pësuar plagë të ndryshme në trup dhe është transportuar në gjendje të rëndë për në spital.
Sipas të dhënave paraprake mendohet se shkak i aksidentit ka qenë drejtuesi i motorrit i cili ka kryer një manovër të gaguar në tentativë për tu kthyer.
Makina e policisë është përpjekur të shmangë përplasjen por nuk ka mundur që ta evitojë dot.
Edhe pse kanë pësuar vetë tronditje, uniformat blu kanë dërguar menjëherë për në spital drejtuesin e motorrit për ti dhënë ndihmën e shpejtë mjekësore.
Një grup hetimor po punon për të zbardhur rrethanat e këtij aksidenti.