Një aksident në seri ka ndodhur në rrugën Elbasan-Librazhd me bilanc plagosjen e tre shtetasve.
Ngjarja u regjistrua në fshatin Mengël.
Fillimisht janë përplasur dy mjete, por më pas në aksident është përfshirë edhe një i tretë.
Tre shtetasit e lënduar janë jashtë rrezikut për jetën.
Si pasojë e përplasjes janë krijuar radhë të gjata me automjete në të dy kahet e rrugës.
Në vendin e ngjarjes shkoi policia e cila normalizoi trafikun dhe kreu veprimet proceduriale për të përcaktuar shkaqet e këtij aksidenti.
