Një aksident tragjik me pasojë humbjen e jetës për dy vajzave dhe plagosjen e dy të tjerave ka ndodhur në orët e para të mbrëmjes në rrugën Elbasan-Tiranë, në afërsi të tunelit të Kërrabës.
Gjithçka ka ndodhur si pasojë e përplasjes së një mjeti tip Benz me një mjet tip “Volkswagen”.
Sipas policisë, ka qenë mjeti tip “Benz” ai që ka goditur automjetin e dytë ku ndodheshin katër vajza. Si pasojë e përplasjes së fortë ato kanë mbetur të bllokuara brenda makinës.
Pasi janë nxjerrë nga automjeti me ndihmën e forcave zjarrfikëse, ato janë dërguar në spital. Dy prej tyre nuk kanë arritur t’i mbijetojnë plagëve të rënda.
Aksidenti ka shkaktuar radhë të gjata për automjetet ndërkohë që policia u ka dhënë ndihmën e para vajzave dhe ka normalizuar trafikun.
Në vendin e ngjarjes ka shkuar edhe grupi hetimor që ka administruar provat dhe po punon për zbardhjen e rrethanave të këtij aksidenti.
Elbasan/ Informacion paraprak
Në aksin rrugor Tiranë-Elbasan, në dalje të tunelit të Krrabës, mjeti tip “Benz”, dyshohet se ka goditur mjetin tip “Volkswagen”, ku udhëtonin 4 shtetase.
Shërbimet e Policisë dhe të zjarrëfikses kanë bërë e mundur nxjerrjen nga mjeti të 4 shtetasve të cilit ishin të bllokuar, të cilat u transportuan menjëherë në spital për ndihmë mjekësore, ku 2 shtetase si pasojë e palagëve të marra kanë ndërruar jetë në spital.
Grupi hetimor ndodhet në vendngjarje dhe po punon për zbardhjen dhe sqarimin e shkakut të aksidentit.
