Ministër i Brendshëm, Taulant Balla ka njoftuar se brenda 24 orëve të fundit janë arrestuar 37 persona në Shqipëri, në kuadër të operacioneve “Sundimi i Ligjit” dhe “Tempullit”.
Përmes një postimi në rrjetet sociale, ai ka njoftuar se ‘janë sekuestruar 1.1 kilogramë kokainë në Durrës, sasi lëndë narkotike kanabis dhe kokainë në Sarandë dhe Lezhë, një shumë në euro e përfituar nga shitja e lëndëve narkotike, si dhe armë zjarri, municon luftarak dhe armë të ftohta’.
Sakaq, janë zbardhur disa vjedhje me dhunë dhe armë të ftohta në Tiranë, janë kapur dy persona në kërkim, në Elbasan dhe në Shkodër etj.
Ndërsa, Policia Kufitare në Morinë ka vënë në pranga një shtetas të kërkuar ndërkombëtarisht për llogari të drejtësisë italiane, me masë sigurie “Arrest në burg”, për veprat “Organizata kriminale” dhe “Emigracioni i paligjshëm”.
