TIRANË- Gazetari Artan Hoxha paralajmëron mbërritjen e një ngarkese me kokainë në Portin e Durrësit përmes kontejnerëve me banane dhe ‘zhdukjen’ e 60 apo 70 arkave, në të cilat iç duket do të jetë e ngarkuar droga. Në një postim në Facebook, teksa mban në duar një arkë të mbushur me para, Hoxha thotë se policët e portit të Durrësit arrestohen kot sepse ata nuk janë në dijeni të asgjëje. Me nota humori, gazetari vijon t’i qëndrojë versionit të mbërritjes së ngarkesës me kokainë në Shqipëri, por thotë se nuk preferon të japë datë apo emrin e anijes me të cilën mbërrin droga.
Postimi:
Si perfaqesues i “besueshem” i Kartelit Laberia, si fillim numerojme paret, bejme pagesen me korrektesi, dorezojme arkat e bananeve bosh…dhe presim konteinerin ne Durres, plot per plot me “bereqet”. Kete radhe, nese ne portin e Durresit, na humbin 60-70 arka me banane, mos me pyesni nga e di peshen e sakte te “mallit”!!!! E kam ngarkuar me duart e mia Mos arrestoni kot nga 20-30 police ne port. Policet e portit nuk dine asgje per zotin. Pagesen e kane marre ATA lart… Emrin e anijes dhe daten e zbarkimit nuk e them. Ka plas spiunllek ne nivel te larte andej nga Tirana Po e moren vesh ata “artistet” e qeverise, te marrin 50% te “mallit”. Jo per gje, por kemi zgjedhje perpara, na nevojitet para e madhe. P.S. per “grupet homologe ne detyre”, mallin e kapa me shumice, 1790 dollare per kg. Po keni kerkesa me njoftoni sa nuk eshte vone. Se pastaj ne Durres, shkon shtrenjte pazari. Pagesa behet sipas mundesise, mire do ishte ne Euro dhe Dollare amerikane, por pranojne dhe Pesos kolumbiane ose bitcoin. “Shakaja eshte gjysma e te vertetes”, thote populli yne i vuajtur…
