Policia është duke hetuar vendin ku u bë një atentat për vrasje ndaj një shqiptari në Barking.
Policia u njoftua në orën 2.14 pasditen e djeshme në Wilmington Gardens, Barking, pas raportimeve për të shtëna me armë ndërsa dyshohet se shqiptari që iu bë atentati ishte trafikant lëndësh narkotike.
Në momentin kur mbërritën në vendin e ngjarjes punonjësit e rendit gjetën dy meshkuj 20-vjeçarë ku njëri prej tyre kishte marrë lëndime serioze me armë dhe u dërgua në spital në gjendje kritike për jetën.
Edhe mashkulli tjetër u dërgua në spital ndërsa është jashtë rrezikut për jetën pasi nuk ka marrë plagë nga arma e zjarrit.
Hetuesit nodhen në vendin e ngjarjes dhe po punojnë për zbardhjen e plotë të saj.