Austria kërkon që të lidhë marrëveshjen me Rusinë, për vaksinën për të parandaluar Covid-19. Mediat vendase shkruajnë se qeveria austriake ka nisur bisedimet me Rusinë për të blerë 1 milionë doza të vaksinës Sputnik V.
Lajmi u bë me dije nga Sebastian Kurz, i cili fillimisht bisedoi me Presidentin rus Vladimir Putin më 26 shkurt për të diskutuar rreth dorëzimit të vaksinës ruse dhe më vonë kontaktoi Fondin Rus të Investimeve Direkte (RDIF), i cili është përgjegjës për shpërndarjen ndërkombëtare të Sputnik V.
“Nuk duhet të ketë shkelje gjeopolitike kur bëhet fjalë për vaksinat. E vetmja gjë që ka rëndësi është nëse vaksina është efektive dhe e sigurt, jo nga vjen”, tha ai.
Vendet po negociojnë për furnizimin me 300,000 doza në Prill, 500,000 në Maj dhe 200,000 në Qershor, sipas deklaratës.