Gjendja e avokatit Sokol Mëngjesi ka të paktën një javë që është e rënduar në koma që prej momentit të dhunimit të tij.
Ditën e sotme avokatit i kryen një skenar i cili tregon një gjendje të stabilizuar. Gjithashtu mjekët kanë nisur të ulin medikamentet që e mbajnë në gjumë avokatin për t’a zgjuar nga gjumi edhe pse kjo gjë si proces do të zgjasë.
Shefi i shërbimit te neurokirurgjisë Prof. Fatos Olldashi i kontaktuar nga gazetarja e Top Channel Alma Demiraj konfirmoi gjendjen shëndetësore të avokatit.
Avokati u godit pasi la djalin e tij në kopsht. Nga 4 autorët e dyshuar të sulmit, ku 3 goditën avokatin dhe njëri i transportoi në pranga ka rënë vetëm një.
Dorian Aliaj u vetëdorëzua mbrëmjen e dy ditëve më parë dhe ka folur para grupit hetimor. Sipas tij, ai dhe Drivald Alia, Elton Kasaj dhe Romario Tabaku nuk e kishin planifikuar sulmin ndaj avokatit.
Nga ana tjetër i ndaluari me iniciativë të policisë Dritan Nano, i cili sipas policisë dyshohet si organizator i sulmit ndaj avokatit ka mbajtur qëndrim mohues duke e përjashtuar veten nga kjo ngjarje.
