Kryetari i Partisë Demokratike, Lulzim Basha, së bashku me nënkryetarët Flutura Açka dhe Kreshnik Çollaku, pritën raporterët e Këshillit të Europës të cilët ndodhën në Tiranë.
Ai prezantoi një paketë të hartuar nga ekspertë të PD-së, e cila do të ndihmojë për t’i kthyer shqiptarëve besimin tek vota dhe politika.Sipas Bashës synimi i kësaj pakete është t’iu japë fuqi vendimarrëse dhe një politikë te pastër qytetarëve. Kryedemokrati thotë se reforma zgjedhore duhet t’u japë qytetarëve të drejtën ta zgjedhin deputetin dhe presidentin.
Pikat e përfshira në paketë:
- Lista të hapura
- Barazia e votës
- Vota e diasporës
- President nga populli
- Veting për politikanët
- Fund imunitetit nga ndjekja penale.
