Kreu i PD-së, Sali Berisha ka hedhur akuza ndaj zv.kryeministres Belinda Balluku, duke u shprehur se ka copëtuar Unazën në 14 kontrata vetëm për të vjedhur.
“Kur vjedh në këtë mënyrë dhe ke humbur çdo lloj morali njerëzit i përçmon dhe i neverit”, u shpreh Berisha për Belinda Ballukun.
Ai theksoi se rrugët në vendin tonë ndërtohem me çmim 10 herë më të lartë.
Sali Berisha: Këto që ndodhin nuk mund të imagjinohen, ndajnë pasuritë me veten, familjarët, gratë, me krushqinë, dhe pastaj ndërtohet rruga me çmim 10 herë më të lartë, edhe më shumë.
Ndërtohet Unaza 17 mln euro km në një kohë kur bypass i Fierit është ndërtuar me 2.8 mln euro kilometri po kaq e gjerë. Ndërkohë që Unaza, segmenti u ndërtua nga ne me gjithë ato vepra arti kushtoi gjithsej 3.8 mln euro. Kurse kjo e merr dhe e copëton Unazën sikur ta ketë pronë të saj në 14 kontrata, vetëm për të vjedhur në secilën kontratë maksimumin dhe pastaj nuk del për pensionet.
Jo thonë “rrokullisemi po të rrisim pensione”. Sigurisht kur vjedh në këtë mënyrë dhe ke humbur çdo lloj morali njerëzit i përçmon dhe i neverit por kjo merr fund më 11 Maj.
