TIRANË- Partia e Lirisë ka propozuar një emër për kreun e Këshillit Bashkiak në Tiranë. Këtë gjë e bëri me dije vetë kreu i PL-së, Ilir Meta. Në një deklaratë për mediat, pas takimit që zhvilloi me kryetarin e Partisë Demokratike, Sali Berisha, Meta tha se ka propozuar një emër, të cilin nuk preferoi ta bënte me dije, por me siguri të plotë, tha se bëhet fjalë për një supër politikan.
Pjesë nga prononcimi:
Ilir Meta: Jemi në një sintoni të plotë, kryetari i ardhshëm i bashkisë, i Opozitës së vërtetë që do të triumfojë dhe kryetari i ardhshëm i këshillit të bashkisë, parlamentit të Tiranës do të bëjë një spektakël në pak muaj. PL respekton promaret, është një risi e jashtëzakonshme, kemi kërkuar që të realizohet sa më shpejt. Kudo që kemi kandidatë të sigurtë për fitore, do t’i përfshijmë në primaret e përbashkëta. Kandidatët të respektojnë njëri tjetrin, kush e dëmton tjetrin, përjashtohet nga gara. Nuk kemi pasur asnjë diskutim për emrin që do të jetë në Tiranë apo kudo tjetër sepse ky proces i takon primareve. Por, i kam propozuar një emër Berishës që ai e priti me shumë kënaqësi. Të jeni të sigurtë që Parlamenti i ardhshëm i Tiranës do të jetë shumë i rëndësishëm, do ta mësoni shumë shpejt, çdo ditë të hënë do të ketë këshill bashkiak të Tiranës për të dëgjuar qytetarët, nënë Liza nuk do të jetë në rrugë e keqtrajtuar nga policia bashkiake, por do të flasë aty në parlamentin e Tiranës.
Pse nuk e bëni publik emrin? Është pjesë e politikës?
Ilir Meta: Është super politikan, faleminderit, faleminderit. E mbyllëm.
Kthehemi nga kamera?
Ilir Meta: Po, ndaloj dhe për respektin tuaj, çdo ditë të hënë, këshilli bashkiak do të jetë 24 orë live duke dëgjuar hallet e qytetarëve. Nënë Liza nuk do të jetë aty e keqtrajtuar nga policia, do të flasë si zonjë në Parlamentin e Tiranës.
Pse nuk e bëni të ditur emrin e kryetarit të Këshillit?
Ilir Meta: Tani, kjo është koenfidenciale
Është pjesë e PD?
Ilir Meta: Faleminderit, faleminderit…
