Një turist që po eksploronte shtegun malor Theth–Valbonë është aksidentuar dhe është rrëzuar në një humnerë. 

Ngjarja dyshohet se ka ndodhur në zonën e Qafës së Valbonës, ku ai ka humbur ekuilibrin dhe është rrëzuar. 

Miqtë e tij kanë njoftuar menjëherë autoritetet, ndërsa drejt vendit të ngjarjes janë nisur forcat e kërkim-shpëtimit malor, një ekip mjekësor, policia dhe një helikopter për ndërhyrje emergjente. 

Sipas informacioneve turisti ka ndërruar jetë.

Hetimet për rrethanat e ngjarjes janë në vijim.