Një incident i rrezikshëm ndodhi në lagjen Hajro Çakërri të Vlorës, ku një bombol gazi mori flakë në një banesë, duke rrezikuar jetën e një çifti të moshuar.
Ngjarja u raportua dhe u ndërhy në kohë nga zjarrfikësit, të cilët arritën në vendngjarje pas një njoftimi të urgjencës.
Sipas informacioneve dhe pamjeve nga vendi i ngjarjes, zjarrfikësit reaguan me shpejtësi dhe efikasitet, duke neutralizuar flakët e bombolës dhe duke shmangur një shpërthim të mundshëm që mund të kishte rezultuar fatal.
