Zëvendësdrejtori i Radio Televizionit të Kosovës, Mentor Shala, ka reaguar me gjuhë jo të përshtatshme ndaj deputetes së Listës “Guxo”, Doarsa Kica-Xhelili, e cila në një intervistë gjatë mbrëmjes së djeshme e kishte përmendur atë si zyrtar të RTK-së.
Gjatë intervistës, deputetja akuzoi televizionin RTK duke thënë se e ka ndërprerë transmetimin direkt, kur në komision po flitej për Shalën. Pas kësaj deklarate ka ardhur reagimi i gazetarit Mentor Shalës, i cili shprehet se:
“Bukuroshja ka qef me fol për mu, a dalim në drekë a darkë, kallzom kur po dalim”.
“Doarsa bukuroshja paska fol mbrame prap për mu. Shumë bre ka qef me ma përmend emnin. Po më duket vetëm te unë e ka mendjen! A e caktojmë një takim Doarsë, për drekë a për darkë a? Që don i thrrasim edhe ato mikeshat e tua në RTK! Knaqemi edhe t’kallxoj krejt për RTK-në, edhe nime e kupton çka është RTK-ja! E miqt e RTK-së?! Jo valla s’pi thrrasim! Kallxom, kur po dalim, Doarsë!”, ka shkruar Shala në Facebook.
