Prej pak kohësh është përfolur se Kida po vjen me një bashkëpunim me reperin e njohur gjerman, Samra. Dyshimet lindën pasi këngëtarja postoi një fotografi në rrjete sociale, duke i bërë tag dhe reperit. Megjithëse, ata nuk kanë konfirmuar asgjë, udhëtimi drejt Dubait ka shtuar më shumë dyshimet.
Këngëtarja bëri me dije pak orë më parë se është larguar drejt Dubait, por ndërsa të gjithë mendonin se po shijonte disa ditë pushime në fakt, ajo është angazhuar në punë. Kida ka zbuluar se dhe reperi ndodhet bashkë me të në atë vend, një arsye më tepër për të besuar se ata janë bashkë për xhirimin e klipit.
