Policia e Tiranës ka mbërritur në ambientet e Kuvendit, pasi më herët deputeti Ervin Salianji hodhi tymuese në seancën e cila u shoqërua mes kaosit dhe tensioneve.
Mësohet se në Kuvend ka mbërritur drejtori i Policisë Tiranë dhe oficerë të policisë gjyqësore për të mbledhur provat e lëna në sallë.
Rikujtojmë se seanca, e cila zgjati më pak se një orë, u shoqërua me tensione të forta me deputetëve të opozitës, të cilët nuk lejuan zhvillimin normal të saj.
Në një moment, deputeti Salianji bllokoi Foltoren teksa hodhi tymuese në sallë.
