Të tjera detaje zbardhen lidhur me ngjarjen e ndodhur në mes të Tiranës, në sheshin “Skënderbej”, ku tre persona kanë rrahur dhe kanë lidhur me pranga një 20 vjeçar.
Raportohet se i riu, identiteti i të cilit nuk është bërë ende publik, ishte një prej punëtorëve në kioskat e vendosura në qendër të kryeqytetit. 20-vjeçari është dhunuar brutalisht nga personat që kishin nën menaxhim kioskën, për shkak sek ishte dalë 10 mln lekë minus nga xhiroja ditore.
Dhunuesit i kanë shkaktuar hematoma në kokë, deri sa i kanë rënë të fikët, e më pas e kanë përmendur duke i hedhur ujë të ftohtë. Por ata nuk janë ndalur këtu, pasi e kanë rrahur sërish, ndërsa e mbanin të lidhur me pranga.
Sipas një njoftimi zyrtar, Policia arrestoi Denis Baxhakun dhe Ermand Hoxhën, teksa në kërkim është shpallur Teo Kolemiço.
