Tetë trupa të prerë me plagë plumbash u gjetën në një rrugë rurale në shtetin perëndimor meksikan të Michoacan, ku veprojnë banda të trafikantëve të drogës, njoftoi prokuroria.
Ekspertët e policisë dhe mjekësisë ligjore gjetën trupat e gjymtuar të tetë burrave, tha zyra e prokurorit të përgjithshëm.
Trupat u lanë në një zonë malore me pak popullsi, ku sulmet nga karteli “Halisko nova generacija” (CJNG) janë raportuar në ditët e fundit.
Në shtetin e Michocan, ka banda lokale të formuara nga kartelet e shpërndara disa vjet më parë dhe qelizat e grupit “Halisko”, selia e të cilit është në vendin fqinj me të njëjtin emër.
Më shumë se 300,000 njerëz janë vrarë në Meksikë që nga dhjetori 2006, kur qeveria federale nisi një operacion ushtarak kundër bandave të drogës. Ekspertët besojnë se mobilizimi i ushtrisë çoi në ndarjen e kartelit në qeliza më të vogla dhe më të dhunshme.
