Kanye West mund të humbte 4-vjetorin e vajzës së tij, Chicago, të shtunën për shkak të Kim Kardashian, pohoi reperi në një video të fundit.
Reperi u pa duke ngarë makinën, i frustuar për faktin që nuk ishte në gjendje të merrte pjesë në ditëlindjen e Chicago-s. “Njerëz, thjesht po i uroj vajzës sime ditëlindjen publikisht. Nuk më lejuan të di se ku ishte festa,” tha ai. Ai tha se dikush po “luante lojëra” dhe se shëndeti i tij është dëmtuar për shkak të dramës familjare.
“Unë thjesht po e hedh këtë në internet sepse kam nevojë për mbështetjen tuaj,” vazhdoi ai. “Kam telefonuar Kim-in, i kam dërguar mesazh dadove, kam marrë në telefon Tristan-in, ai më tha se do të pyeste Khloe-n. Askush nuk do të më japë adresën e festës së ditëlindjes së vajzës sime tani dhe asaj do t’i mbesë në mendje që babai nuk ishte.”
Kanye shtoi se ai refuzon t’i nënshtrohet “mamave të fëmijëve” dhe “gjysheve” që “luajnë lojëra” për ta mbajtur atë larg fëmijës. Menjëherë pasi zhurma e West u bë virale, burime në festë konfirmuan për Page Six se ai u shfaq në festë.
“Kim ishte i tronditur që e akuzoi publikisht kur ishte ideja e tij që të bënte dy festa të veçanta. Ajo do ta bënte festën e saj herët gjatë ditës dhe ai po i organizonte Chicago-s një festë tjetër. Askush nuk po përpiqej ta ndalonte të vinte,” tha një burim për Page Six.
Në këngën e fundit “My Life Was Never Eazy” me The Game, Kanye shprehet disi i zhgënjyer nga Kim Kardashian. Ai thotë se nuk i sheh për shumë gjatë fëmijët, tregon për divorcin dhe në një pjesë thotë se “Zoti e shpëtoi nga ajo përplasje/ që të rrihja Pete Davidson”.
