Drejtoresha e Infoweb, Anisa Bahiti ka reaguar në lidhje me ngjarjen që ka ndodhur sot në një prej plazheve në jug të Shqipërisë ku një skaf, drejtuar nga ish- oficeri i policisë Arjan Tase ka goditur për vdekje vajzën 7-vjeçare të familjes Avdia.
Në një postim të saj në faqen zyrtare në Facebook ajo citon:
POLICIA duhet të jetë e qytetarëve!
Si mundet që një oficer policie të lundrojë me një skaf trafikantësh me 2 motorra që vlen 50 mijë euro?
Një oficer që merr 700 mijë lekë në muaj?
Motorrat e ujit të gangove po marrin jetën e njerëzve të pafajshëm!
Njëherë me plumba, njëherë me skaf, njëherë me vjedhje! Ku është siguria për qytetarët, kush do t’i ndalojë këto tragjedi?!
