TIRANË – Dy aksidente rrugore janë regjistruar paraditen e sotme në autostradën Tiranë-Durrës, duke shkaktuar kaos të përkohshëm në qarkullimin e automjeteve.
Në të dyja ngjarjet, të ndodhura në një distancë të afërt nga njëra-tjetra, janë përfshirë gjithsej 18 automjete.
Fatmirësisht, nuk raportohet për të lënduar, por vetëm për dëme materiale.
Policia Rrugore ndodhet në vendngjarje dhe po punon për zbardhjen e shkaqeve si dhe për normalizimin e qarkullimit në këtë aks të rëndësishëm.
Drejtuesve të mjeteve u bëhet thirrje të respektojnë rregullat e qarkullimit dhe të tregojnë kujdes të shtuar, veçanërisht në orët me trafik të dendur.
