Një ngjarje e rëndë është regjistruar më datë 15 maj 2025 në qytetin e Librazhdit, ku një grua 60-vjeçare është dërguar me urgjencë në spital, pasi dyshohet se ka konsumuar substancë helmuese, konkretisht detergjent shtëpiak.
E identifikuar me inicialet M. Sh., 60-vjeçarja mësohet se ndodhej në kushte të rënduara psikologjike në momentin e ngjarjes. Burime zyrtare nga Drejtoria Vendore e Policisë Elbasan bëjnë me dije se ajo është transportuar në gjendje të rënduar drejt spitalit të Librazhdit, ku po merr trajtim mjekësor dhe ndodhet nën kujdesin e specialistëve shëndetësorë.
Ndërkohë, materialet procedurale lidhur me këtë rast janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, në kuadër të hetimeve për rrethanat që çuan në këtë akt të rëndë.
