Një person që po ndiqej nga policia u përpoq t’i shpëtonte arrestimit dhe u hodh nga tarraca, duke rrezikuar jetën e një polici që kishte bllokuar pjesën e pasme të banesës.
Burri, emri i të cilit nuk bëhet me dije, hipi në tarracë kur policia rrethoi shtëpinë e tij në Walsall, pranë Birminghamit. Më pas duke ecur ai rrëshqiti dhe u detyrua të hidhej prej aty.
I dyshuari ra në trotuar dhe nuk pësoi lëndime të mëdha. Ai u përpoq të largohej, por paralajmërimi i efektivit të policisë e detyroi që të ndalonte.
Videoja u filmua nga një fqinj, i cili ndoqi të gjithë operacionin e policisë britanike.
