Pasditen e sotme, një ngjarje e rëndë ka ndodhur në Korçë.
Një person me inicialet J.M., 47 vjeç, është gjendur pa shenja jete në shkallët e pallatit ku banonte.
Personit nuk iu gjend asnjë shenjë dhune dhe dyshohet se ka ndërruar jetë nga shkaqe natyrale.
Njoftimi i Policisë:
Korçë/Informacion paraprak
Më datë 05.02.2024, rreth orës 16:25, në lagjen nr. 18, Korçë, në shkallët e pallatit ku banonte, është gjetur i pajetë dhe pa shenja dhune, shtetasi J. M., rreth 47 vjeç. Nga të dhënat e para dyshohet se ky shtetas mund të ketë humbur jetën, për shkaqe natyrale.
Grupi hetimor po punon për përcaktimin e shkaqeve të vdekjes dhe sqarimin e rrethanave.
