Eni Çobani tregon momentet e sikletshme në fillimet e martesës: Nuk na lejonin të…

0

Si rrallë herë Eni Çobani dhe bashkëshorti i saj Aveniri kanë dalë së bashku në publik, ku kanë folur gjatë për njohjen dhe dashurinë e tyre. Në rubrikën ‘Gjysma ime’ ata kanë treguar se pas disa muaj njohje, u fejuan direkt dhe pas një viti fejese shkoi të jetonte tek familja e bashkëshortit pa martesë.

Eni ka rrëfyer situatën në familje, kur duhet të qëndronte për herë të parë në shtëpinë e bashkëshortit. Edhe Eni nuk i ka shpëtuar dot mentalitetit të asaj kohe kur nuk lejohej të flije me bashkëshortin para martese.

“Neve sapo ishim fejuar, kishim kaluar gati një vit dhe në vitin ’97, në atë vit të mbrapshtë për të gjithë shqiptarët, Avenirin e kapi një panik shumë i madh sepse po mbyllte dyqanet, i kishin kaluar edhe plumbat në kokë kur po mblidhte mallin dhe ishte në një panik të jashtëzakonshëm. Vjen me një frikë të madhe tek unë në shtëpi dhe i kërkon prindërve të mi që unë Enin nuk do e lë më këtu. Mendoni, jetonim akoma me atë kulturën familjare që nuk mund të shkosh tek shtëpia e bashkëshortit pa martesë dhe prindërit e mi ngurruan.”

 

Eni u shpreh që ishte e vështirë që prindërit e saj të bindeshin që ajo të shkonte në shtëpinë e partnerit, por kur shkoi atje kishte një tjetër vështirësi: ku do flinte Eni?!

 “Me shumë zor më kanë lënë, Aveniri më merr, më çon në banesë, sigurisht edhe për prindërit e Avenirit nuk ishte aq e thjeshtë sepse unë nuk do shkoja thjesht për një vizitë apo drekë, por do flija. Për prindërit e Avenirit dhe kryesisht për mamanë e tij të ndjerë, ishte problem i madh ku do flija unë. Kur erdhi mbrëmja që do shtriheshim të gjithë, unë po shikoja në sy vjehrrën time që ku do më vendosë. Në atë kohë jetonte edhe motra e Avenirit në atë banesë dhe sigurisht që gjithsecili kishte krevatin e vetë, unë isha pa krevat. Ajo kishte përgatitur dhomën e Avenirit, Avenirin e kishte nxjerrë në kuzhinë dhe unë kam fjetur në dhomën e tij vetëm pa të.”

Dhe pas kësaj Eni tregon me humor se kjo siatuat zgjaste vetëm tre-katër orë, derisa vinte mesnata…

LEAVE A REPLY

Please enter your comment!
Please enter your name here