Baku, 12 mars 2025-Presidenti i Republikës, Bajram Begaj, u nis sot për në Baku të Azerbajxhanit, ku do të marrë pjesë në Forumin e 12-të Global. Kreu i Shtetit do të mbajë një fjalim të posaçëm në këtë forum, i cili këtë vit trajton çështjen: “Rishikimi i Rendit Botëror: Shndërrimi i sfidave në mundësi”.
Në axhendën e presidentit Begaj janë parashikuar edhe takime të veçanta me liderët pjesëmarrës në forum. Forumi XII Global i Baku fillon punën më 13-15 mars 2025 dhe do të organizohet nga Nizami Ganjavi Qendra Ndërkombëtare, me temën “Rimendimi i rendit të punës: sfidat e kthimit në mundësitë”.
Burime ekskluzive për Infoweb Media, informojnë se në këtë takim do trajtohen një sërë temash të rëndësishme përfshirë: “Ndryshimet gjeopolitike”, “Riimagjinimi i Multilateralizmit”, “Pakti i OKB-së për të Ardhmen”, “Ukrainë-Bashkimi Evropian”, “Shëndeti global në krizë”, “Rindërtimi për paqe dhe stabilitetin rajonal pas konflikteve”, “COP29: Përparim në Belem”, “Teknologjitë e reja për botën e re”, dhe “Lidhja Gjinore-Siguria-Klima”.
Në këtë ngjarje do të marrin pjesë më shumë se 300 liderë botërorë me ndikim nga më shumë se 60 vende, përfshirë mbi 25 ish-presidentë, më shumë se 15 ish-kryeministra, gati 10 krerë të OKB-së dhe agjencive të saj, dhe më shumë se 25 ish-ministra dhe zëvendësministra.Infoweb Media
