Këngëtarja nga Kosova, Fjolla Morina bëri zhurmë pasi u kap me një armë zjarri pistoletë. Por jo vetëm kaq, në makinë ajo ishte me biznesmenin e njohur, Fisnik Syla, të cilit bukuroshja, i ka shprehur publikisht dashurinë përmes rrjeteve sociale.
Morina shkruan:
Thonë që: në dashuri fiton kush ikën. Nuk është e vërtetë. Në dashuri fiton ai/ajo që rri. Dashuria nuk është e lehtë! Në dashuri duhet të dish të ndash dhimbjen, pasionin, vuajtjet. Ndonjëherë dashuria vë në dyshim gjithçka që ti ke besuar por kur dashuria është e vërtetë atëherë ajo është në gjendje të superojë çdo vështirësi, çdo pengesë sepse dashuria fiton mbi gjithçka. Ne në çdo pengesë fituam njëri-tjetrin. Të dua.
Deri këtu është çdo gjë në rregull. Por pas kësaj, bëhet me dije se biznesmeni ka qenë i martuar dhe është babai i dy fëmijëve. Madje ish-gruaja e tij mban ende foto të Fisnik Sylës dhe fëmijëve në rrjetet sociale. Gjithashtu raportohet se bashkëshortja e tij pohoi faktin që Fjolla Morina i prishi familjen dhe sipas saj martesa e tyre zgjati 10-vite duke u përfunduar për shkak të lidhjes së Fisnik Sylës me këngëtaren.
Ish-gruaja tha:
Atyre që deshën shkatërrimin e familjes marrshin nga jeta atë që e meritojnë! Njeriu qenka më i fortë se guri.
