Një shpërthim i fortë ka tronditur zonën e Detit Kaspik, ku Azerbajxhani ka fusha të shumta të naftës dhe gazit në det të hapur.
Shkaku i shpërthimit, i cili bëri që një kolonë zjarri të ngrihej në qiell të Dielën vonë, nuk u përcaktua menjëherë, por kompania shtetërore e naftës Socar tha se informacioni paraprak tregonte se ishte ajo që quhet një “vullkan balte”. Socar tha se asnjë nga platformat e saj nuk u dëmtua nga shpërthimi.
Deti Kaspik ka një përqendrim të lartë vullkanesh balte, të cilat hedhin si baltë ashtu edhe gaz të ndezshëm.
Zëdhënësi i Socar, Ibrahim Ahmadov u citua nga agjencia azerbajxhanase e lajmeve APA të thoshte se shpërthimi ndodhi rreth 10 km (gjashtë milje) nga fusha e gazit Umid, e cila është 45 milje (75 km) larg brigjeve të kryeqytetit, Baku.
Mark Tingay, një ekspert i vullkanit të baltës dhe profesor i asociuar në Universitetin e Australisë në Adelaide, tha se shpërthimi “me siguri mund të jetë një vullkan balte” dhe se vendndodhja “përshtatet afërsisht” me një të tillë të quajtur Makarov Bank, i cili shpërtheu në 1958, duke lëshuar një kolonë flake 500-600 metra e lartë dhe 150 metra e gjerë.
Vendi ka “qindra” vullkane balte, një e katërta e të cilave dihet se shpërthejnë me forcë, tha Tingay.