Imazhet satelitore tregojnë shkatërrimin e shkaktuar nga zjarret e mëdha në komunitetin historik Maui të Lahaina në Hawaii.
Pamjet e marra para zjarrit të kësaj jave tregojnë rrugë plot jetë të rrethuara nga bimësi e gjelbër. Në të kundërt, imazhet e marra pas zjarrit tregojnë një peisazh gri, ndonjëherë me re të dendura tymi që dalin nga rrënojat.
Kryetari i qarkut Maui, Richard Bissen Jr. tha se zona pas zjarrit nuk i ngjan aspak vendit që ai njihte kur ishte rritur.
“Gjëja më e afërt me të cilën mendoj se mund ta krahasoj është ndoshta një zonë lufte ose shkatërrimi pas shpërthimit të një bombe”, tha ai për “Good Morning America” të premten. “Ishin makina në rrugë, dyert e hapura, të shkrira në tokë. Shumica e strukturave nuk ekzistojnë më”, vuri në dukje ai.
Një video dokumentar tregon njerëzit që hidhen në një breg shkëmbor në oqean me çanta shpine, për t’i shpëtuar zjarrit. Në ishull numërohen të vdekur, të plagosur dhe ka dëme materiale.
